Kulankaas amaanka looga hadlayay ee caawa lagu qabtay xarunta hay’ada sirdoonka iyo nabadsugida qaranka Soomaaliyeed ayaa waxaa ka qayb galay ra’iisul wasaraha xukuumadda federaalka Soomaaliya mudane Cumar Cabdirashiid Cali Sharmaake ,ra’iisul wasaare ku xigeenka xukuumadda Soomaaliya mudane Maxamed Cumar Carte ,wasiirka amniga gudaha mudane Cabdirisaaq Cumar Maxamed iyo sarakiisha ciidammada amaanka .
Kulanka ayaa waxaa si qota dheer looga hadlay amaanka dalka gaar ahaan kan magalada caasimada ah ee Muqdisho ra’iisul wasaaraha dalka oo ka hadlay kulankaas ayaana bogaadiyay howlaha baxada leh ee sugida amaanka isagoo mahad naq balaran u soo jeediyay hay’adaha amaanka iyo maamulada degmooyinka gobolka Banaadir.
“Ra’iisul wasaraha dalka mudane Cumar Cabdi rashiid Cali Sharmaake oo noo furay shirka caawa waxaa uu uga mahadceliyay dhaman hay’adaha amaanka dhabar adeegooda ay ugu jiran sugida amaanka waxaa uu ra’iisul wasaruhu bogaadiyay howsha adag ee ay hayaan ciidammada amaanka maamulada degmooyinka iyo maamulka gobolka Banaadir oo is kaashanaya“ayuu yiri Afhayeenka.
Kulankaan amaanka looga hadlayo ayaa waxaa uu qayb ka yahay iskashiga sugida amaanka iyo wada shaqeynta hay.adaha amaanka waxaana si joogto ah u qabsooma shirkaan gudiga amaanka ay ku yeeshan xarunta hay’ada NISA iyadoo caawa uu ka qayb galay ra’iisul wasaaraha dalka .
