Kulankan qadada ah ee maanta uu la yeeshay ra’isul wasaaraha dalka mudane cumar cabdi rashiid xubnihi hore e golaha wasiirada iyo xubnaha cusub ee xukuumadiisa ayaa waxa u jeedkiisu ahaa sidi looga wada hadli lahaa qaabka xil wareejinta iyo sidi ay u wada shaqeyn lahaayeen xukuumadan cusub iyo Sii hayeyaasha Wasaaradaha Xukuumaddii Hore.
Ridwaan Xirsi Maxamed ku xigeenkii hore Ee R.wasare C.weli Sh Axmed oo ku hadlayay magaca xubnaha xukuumaddii hore ayaa tilmamay in xukuumadda cusub ay horyaalan howlo badan loona baahanyahay in ay duruus ka qaataan waxyaabihii la soo maray, isagoo xukuumadda cusub u rajeeyay isku duubni.
Maxamed cabdi xayir maareeye wasiirka wasaarada warfaafinta Hidaha Iyo Dalxiiska ee xukuumada soomaaliya oo ugu horeyn kulanka Qadada ah ka hadlay ayaa sheegay in ujeedka kulankan uu ahaa in R.wasaaraha Soomaaliya uu bogaadiyo Kartidii iyo Hormarkii Ay dalka gaarsiiyeen Xukuumaddii hore.
R.wasaare ku xigeenka Xukuumadda Soomaaliya Md Cumar Carte Qaalib oo insa ka hadlay kulanka ayaa ku Amanay Xubaha golaha Wasiirada Howlihii Badnaa ee ay Qabteen isagoo balan qaaday in ay halkooda ka sii Amba qaadayaan shaqadaasi.
Gabagabadii kulanka waxaa hadalka Qaatay R.wasaaraha Soomaaliya Mudane Cumar C.rashiid Cali Sharmaarke Isagoo kulankan ku tilamaamay in uu fursad u yahay dardar galinta shaqooyinka Adag ee xukuumadda horyaala.
‘’Taladiina Waa loo baahanyahay Xukuumaddii Hore, waxa aan heyno waa howl qaran, haddii aan intiina isku tagto guul ayaan gaareynaa, waxaa soo marteen waqti aad u dag waana ka mahadcelineynaa aqbalaadda qadada aan idinku casuumay, waana bogaadinayaa, waxaana xukuumadda cusubna kula dardaarmayaa karti iyo Hufanaan, waxaana isku Ognahay Waa Shaqo” Sidaasi waxaa yiri R.wasaare Cumar C.rashiid Cali Sharmarke
Kulankan ayaa imaanaya iyada oo dhawaan la guda gali doono Xil wareejinta Xafiisyada Xukuumaddii hore Ee R.wasaare C.wali Sh Axmed Maxamed.
