Ra’iisul wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharma’arke oo baarlamaanka hortagay ayaa khubad uu u jeediyay Xildhibaannada Golaha Shacbaka kaga codsaday inay siiyaan fursad 10 cisho ah, si uu u soo dhameystiro Golaha Wasiirada.
Mudane Cumar Cabdirashiid ayaa baarlamaanka ka dalbaday inay tixgeliyaan codsigiisa ku aadan soo dhameysiridda xukuumadda, maadaama uusan ka mid ahayn dhinacyadii siyaasadda isku hayay iyo caqabadda adag ee uu kala kulmay kutladaha Baarlamaanka.
Ra’iisul wasaaruhu waxa uu xusay in tobanka cisho gudahood uu ku soo dhameystiri doono golaha Wasiirada, isla markaana uu baarlamaanka hor keeni doono xukuumad dhameystiran oo leh tayo, dalkana gaarsiin karta doorasho xor ah.
