Ra’iisul wasaaraha Soomaaliya Mudane Cumar Cabdirashiid Cali Sharma’arke iyo Wafdi uu hogaaminayo ayaa gaaray magaalada Gaalkacyo ee xarunta Gobolka Mudug, si loo qaboojiyo xiisadaha colaadeed ee Gaalkacyo ka dhacay.
Mudane Cumar Cabdirashiid oo saxaafadda kula hadlay ayaa sheegay in ujeedka socdaalkooda ay la xiriirto sidiii ay gacan uga geysan lahaayeen joojinta colaadda, isagoo ku baaqay in si wada jir ah loo joojiyo colaaadda, waxkastana lagu dhameeyo wada hadal.
Ra’iisul Wasaaraha Soomaaliya ayaa xusay in beri uu magaalada Gaalkacyo kula kulmi doono Madaxda Maamul goboleedyada Galmudug iyo Puntland, si arrinta keentay gacan ka hadalka wada hadal lagu dhameeyo.
