Innaa Lillaahi Waa Inaa Ilaahi Raajicuun!
Ra’iisul wasaaraha XFS Xamse Barre ayaa ka tacsiyey geerida ku timid Allaha unaxariiste Abwaan Maxamed Ibraahim Warsame ( Hadraawi) oo maanta ku geeriyooday Magaalada Hargeysa.
“Waxaan dhammaan Ehelka, Qaraabada, Bahda Fanka iyo Suugaanta iyo guud ahaan Shacabka Soomaaliyeed uga tacsiyeynayaa geerida xannuunka badan ee ku timid Alle ha u naxariistee Abwaan Maxamed Ibraahim Warsame ( Hadraawi) oo maanta ku geeriyooday Magaalada Hargeysa.
Maanta waxaa ummadda Soomaaliyeed ka baxay, Haldoor, Aqoonyahan — mid ka mid ah labeenta aqoonta durugsan u lahaa Suugaanta, Dhaqanka iyo Afka Soomaaliga.
Waxaan murugada iyo xannuunka la qeybsanayaa guud ahaan ummadda Soomaaliyeed meel walba oo ay joogaan.”
