Ra’iisul wasaaraha Jamhuuriyadda Federaalka Soomaaliya Mudane Cumar C/rashiid oo wali ku sugan magaalada Dhuusa Mareeb ee xarunta gobolka Galgaduud ayaa waxaa kulamo looga hadlaayo shirka maamul u sameynta gobolada Mudug iyo Galgaduud uu halkaasi kula leeyahay waxgaradka iyo Siyaasiyiinta ka soo jeeda goboladaasi.
Kulamadan Ra’iisul wasaaraha uu la leeyahay waxgaradka iyo Siyaasiyiinta ayaa waxaa sidoo kale Ra’iisul wasaaraha ku wehliya wasiiro ka tirsan Xukuumada Soomaaliya oo uu kamid yahay Wasiirka Arrimaha gudaha iyo Federaalka Mudane C/raxmaan Maxamed Xuseen (Odowaa).
Ra’iisul wasaare Cumar C/rashiid Cali Sharmarke iyo wafdi uu hogaaminaayo ayaa shalay gaaray magaalada Dhuusa Mareeb, waxaana u jeedada socdaalka Ra’iisul wasaaraha ay tahay sidii dowladda Soomaaliya ay u hagi laheyd shirka ka socda Dhuusa Mareeb iyo guud ahaan shirarka looga arinsanaayo maamul u sameynta gobolada Mudug iyo Galgaduud.
