Ra’iisul Wasaare Ku-xigeenka Xukuumadda Federaalka Soomaaliya Mudane Maxamed Cumar Carteh ayaa shir guddoomiyay shirka billaha ah ee horumarinta kaabayaasha dhaqaalaha ee dalka oo ay ka soo qeybgaleen Wasaaradaha XFS, Maamul goboleedyada dalka iyo Beesha caalamka.
Mudane Carte oo khudbad ka jeediyay shirka ayaa ka hadlay waxqabadka Xukuumadda ee bishii la soo dhaafay.
“Waxaan ku faraxsnaahay inaan idinkaga warbixiyo doorashada taariikhiga ah ee dalka ka socoto taasoo 50% guul laga gaaray, sidoo kale waxaan qirayaa horumarka ay gaadheen maamul goboleedyada anoo kulankan ku soo dhaweeynayo maamulka cusub ee Hirshabeelle”.
Ra’iisul Wasaare ku-xigeenka ayaa khudbadiisa ku soo gaba-gabeeyay mahadcelin uu u jeediyay dhamaan hey’daha beesha caalamka ee garabtaagan dowladda iyo dadka Soomaaliyeed.
—–DHAMAAD—–
