Ra’iisul Wasaare ku xigeenka Xukuumadda Federaalka Soomaaliya Mudane Saalax Axmed Jaamac ayaa furay kulan heerkiisu sarreeyo oo u dhaxeeya Dawladda Soomaaliya iyo Midowga Yurub oo ku saabsan la dagaallanka fikirka xagjirka ah.
Ra’iisul Wasaare ku xigeenka Xukuumadda Federaalka Soomaaliya ayaa sheegay in dagaalka lagula jiro argagaxisadu aan looga adkaan karin uun dhanka ciidanka balse loo baahan yahay in dhinacyo badan lagala dagaallamo sida dhanka fikirka, isagoo Midowga Yurub uga mahadceliyey garab istaagga joogtada ah ee ay siiso dawladda Soomaaliyeed.
Dhankooda Midowga Yurub ayaa soo dhaweeyey hawlgallada Dawladdu ku cirib tirayso Al-Shabaab isla markaana Dawladda kala shaqayn doonaan la dagaallanka fikirka argagixisada.
