Wasiirka Warfaafinta Dhaqanka iyo Dalxiiska ee Jamhuuriyadda Federaalka Soomaaliya, Mudane Daaโuud Aways Jaamac ayaa hambalyo ku aaddan maalinta Xorriyadda Saxaafadda Caalamka u diray dhammaan suxufiyiinta Soomaaliya.
Wasiirka ayaa sheegay in suxufiyiinta ay udub dhexaad u yihiin nabadda iyo dowlad dhiska, sidaa daraadeedna ay Dowladda Federaalka Soomaaliya ay ka goโan tahay xoojinta xoriyadda saxaafadda, dhowrista bedqabka suxufiyiinta, daah-furnaanta, xoriyatul qowlka iyo fududeynta qaabka ay saxaafaddu ku heli lahayd wararka.
Related posts
โSi Soomaaliya ay horumar u gaarto, waxyaabaha aasaasiga ee aan u baahanahay inaan hirgelino ayaa waxaa ka mid ah in suxufiyiinta loo abuuro jawi ay si xor ah ugu shaqeyn karaan, bedqabkooda iyo inay tababaro xirfadahooda sare loogu qaado ay helaanโ ayuu yiri Wasiirka.
Wasiirka ayaa sidoo kale hoosta ka xariiqqy in xuska Maalinta Xoroyadda Saxaafadda ee 3-da May, ayaa sannadkan ku soo beegmaya iyadoo Dowladda Federaalka ee Soomaaliya ay goโaansatey inay si daah-furnaanย iyo isla xisaabtan ku dheehan ugu adeegto shacabka Soomaaliyeed, tusaalaha nool ee goโaankaasina uu yahay Kulankii Dadweyne ee dhowaan Madaxweynaha Jamhuuriyadda Federaalka Soomaaliya Mudane Dr Xasan Sheekh Maxamuud uu uga jawaabey suโaalo ku saabsan siyaasadda iyo waxqabadka dowladda oo ay shacabku weydiinayeen.
Waxaa uu ugu dambeyn Wasiirka Warfaafinta, Dhaqanka iyo Dalxiiska, Mudane Daud Aweis uu ugu baaqey saxaafadda inay sii wadaan doorka wanaagsan ee ay ka cayaarayaan wacyigelinta bulshada, inay cod u noqdaan bulshada inteeda jilicsan ee aan fursadda u helin in codkooda la maqlo, dhismaha dowladnimada, nabadda, daah-furnaanta iyo isla xisaabtanka, iyadoo la tixgelinayo danaha qaranka, iyo anshaxa saxaafadda.
