Ra’iisul-wasaare ku xigeenka dalka iyo Taliyaha Ciidanka Booliska Soomaaliyeed ayaa Maanta ka qeybgalay Bandhigga Todobaadka Ciidanka Booliska oo lagu qabtay Dugsiga Tababarka Jen. Kaahiye ee magaalada Muqdisho.
Taliyaha Ciidanka Booliska Soomaaliyeed S/Gaas Maxamed Sheekh Xasan Xaamuud oo hadal gaaban goobta ka jeediyay ayaa dugsiga Jeneraal Kaahiye ku soo dhaweeyay Ra,iisl wasaare xigeenka Soomaaliya Maxamed Cumar Carte Qaalib.
Md. Maxamed Cumar Carte Qaalib ayaa halkaasi salaan kaga qaatay ciidamo ka tirsan Booliska oo akadeemiyada ku xaraysan, waxayna halkaas ku soo bandhigeen Gaada ka cayaar, iyadoo kooxda Heegan ee Ciidanka Booliska Soomaaliyeedna ay suugaan ka hadlaysa howlaha booliska iyo wada shaqayn booliska iyo Shacabka u soo bandhigeen.
Ra’iisul-wasaare ku xigeenka dowladda Soomaaliya ayaa ku amaanay Taliska Booliska waxqabadkiisa wuxuuna sheegay in Boolisku uu yahay saaxiibka shacabka, wuxuuna ku amaanay horumarka uu booliska ka sameeyey sugidda amniga goobaha doorashooyinka dalka.
Taliyaha Ciidanka Daraawiishta Booliska Soomaaliya, Taliyaha Hoggaanka Xiriirka Bulshada G/le sare Faadumo Xasan Maxamed Faadumo Neero iyo Taliayah Hoggaanka Ilaalada Canshuuraha gen, C/llaahi Xasan Bariise ayaa ciidamada tababarrada uga socda Akadeemiyada Kaahiye ugu deeqay xoolo loo qalo Ciidanka iyo waxyaaba kale.
