Ra’iisul Wasaare Ku-Xigeenka XFS Mudane Saalax Axmed Jaamac ayaa maanta guddoomiyay shir heer Wasiirro ah oo looga hadlayay qorshaha xasillinta deegaannada laga xorreeyay Khawaarijta.
Ra’iisul Wasaare ku-xigeenka Dalka ayaa ugu horrayn bogaadiyay ciidammada qalabka sida guulaha wax ku oolka ah ee ay ka samaynayaan furrimaha dagaalka oo ay ugu dambeeyeen CXD iyo Daraawiishta Jubbaland oo dhawaan xoreeyey deegaanno ka tirsan Jubbaland.
Shirkan ayaa lagu soo bandhigay barnaamijka xasilinta iyo hawlaha ka qabsoomay deegaannada la xoreeyey, waxa sidoo kale lagu soo bandhigay qorshaha Wasaaradaha ee ku aaddan deegaanadaas sidii loo gaarsiin lahaa adeegga dawladnimada sida Waxbarashada, Cafimaadka iyo adeegyada kale ee aasaasiga ah.
