Ra’iisul Wasaaraha Xukuumadda Fedaraalka Soomaaliya, Mudane Maxamed Xuseen Rooble, ayaa xafiiskiisa ku soo dhaweeyay Wafdigii Dowladda Fedaraalka Soomaaliya ku matalayay kiiska badddeenna ee ay muranka gelisay Kenya.
Maxamed Xuseen Rooble, Ra’iisul Wasaaraha Xukuumadda Fedaraalka Soomaaliya, ayaa ugu horeeyn xubnaha wafdiga ugu hambalyeey shaqadii wanaagsaneyd iyo guushii ay qaranka u soo hooyeen.
Wafdigan oo Dowladda Federaalka ah uga qeyb galay go’aankii Maxkamadda caddaalada Aduunka ee ICJ oo uu hoggaaminayay Ra’iisal wasaare ku-xigeenka dalka Mahdi Maxamed Guuleed Khadar ayaa saakay soo gaaray magaalada Muqdisho, kuwaasi oo si weyn loogu soo dhoweeyay Garoonka diyaraadaha Aadan Cadde ee magaalada Muqdisho.
12-kii bishan ayay aheed markii Maxkamadda Caalmiga ah ee ICJ, ay go’aan ka gaartay kiiskii ku saabsanaa murankii Kenya ay ka keentay Baddeena, taasi oo meesha ka saartay sheegashadii Kenya ee ku aadaneed inuu jiro xad u dhexeeya Soomaaliya iyo Kenya oo la barbar ah xariiqa loolka xadka labada dal.
