Xafladdan oo ay soo abaabuleen Jaaliyadda Soomaaliyeed ee Dalka Suudaan ayaa waxaa kasoo qayb galay boqolaal isugu jira arday, iyo jaaliyad kuwaas oo muujiyayย xafladda inta ay socotay in taageersan yihiin Raysul Wasaare Xasan Cali Khayre.
Sidoo kale xafladaas ayaa waxaa kasoo qayb galay Diblumaasiyiin ka socday Safaaradda Soomaaliya ee Dalka Suudaan oo ay ka mid ahaayeen Lataliyaha koowaad Abukar Boston, Fiidow Maxamuud Fiidow Uqaybsanaha Warfaafinta iyo Agaasimaha Waaxda Baasaboorada ee Safaaradda Cabdulaahi Sheekh Cabdisamad Ibraahin.
Related posts
Xafladda inta ay socotay ayaa waxaa ka hadlay Xoghaya Jaaliyadda Soomaaliyeed ee Dalka Suudaan Cabdiwali Xasan Xuseen Fadiilatu isagoo sheegay in wadankii horumar wayn ku tilaabsaday isla markaana la gaaray xiligii ay wadanka horkacayeen raggii loo baahnaa.
Fadiilatu ayaa yiri ” Xafladda waxaa hal ku dhig uga dhignay dib u dhis iyo dib u hishiiseen waa tiirka dowladeena, sidaa darteed muwaadin qoriga dhig qalinka qaado Khayre taageer ”
Waxaa munaasabadaas ka hadlay mas’uuliyiin matalayay Safaaradda , Ururada Ardayda, Haweenka, Dhalinyarada iyo Odayaal Soomaaliyeed kuwaas oo dhamaan taageero u muujiyay raysul Wasaaraha uguna duceeyay in xilkaas Illaah ku asturo oo ku guuleeyo.
Raysul Wasaaraha oo qatka telefoonka ugala hadlay dadwaynihii halkaas joogay ayaa uga mahadceliyay is xilqaanka iyo taageerada ay u muujiyeen Soomaalida Suudaan ku dhaqan, midaas uu raysul wasaaraha ku tilmaamay in ay tahay taageeridda dimuqaraadiyad iyo isxisaabid toos ah oo wadanka ka curatay
Raysul Wasaare Khayre ayaa intaa sii raaciyay in wadanka xiligan abaaro ka jiraan loona baahan yahay in Ardayda Jaaliyadda Aqoonyahanka Soomaaliyeed ee Dalka Suudaan ay kacaan ayna gacan ka geystaan abaabulka socda ee gurmadka ah ayna la xishoon waxii ay awoodaan , kii aan wax awoodina in uu duco ku taageero.
Xaflado badan oo lagu taageerayo Raysul Wasaare Khayre ayaa ka kala dhacay wadamo badan oo aduunka ku kala yaala.
