Kooxda Reading oo ka ciyaarta heerka labaad ee dalka ingiriiska ayaa caawo u soo baxday Semi-finalka kooxda FA Cup-ka,ka dib markii ay garoonkeeda Madejski Stadium 3-0 uga badisay kooxda Bradford City oo ka ciyaarta heerka sedaxaad ee dalka ingiriiska.
Labadan kooxood ayaa ciyaartii hore ku soo kala baxay bareejo 0-0 ah.
Kooxda Reading ayaa waxaa sedaxda gool u kala dhaliyay ciyaaryahanada kala ah Hal Robson-Kanu, Garath McCleary iyo Jamie Mackie.
Ciyaaryahan Felipe Morais ayaa qeybii danbe ee ciyaarta kaarka casaanka ah ka qaatay kooxda Bradford City.
Kooxda Reading ayaa markii u horeysay ilaa sanadkii 1927-dii u soo baxday Semi-finalka kooxda FA Cup-ka,waxana ay garoonka Wembley kula ciyaari doontaa kooxda Arsenal.
Taageerayaasha kooxda Reading ayaa garoonka soo galay markii ay ciyaarta dhamaatay,si ay ugu dabaal dagaan guusha ay soo hooyeen ciyaartoyda kooxdooda.
