Real Madrid oo Ka Badisay Kooxda Cordoba iyo Ronaldo oo Rooso Qaatay “SAWIRRO”

Kooxda Cordoba ayaa waxaa garoonkeeda Estadio Nuevo Arcángel 1-2 uga badiyay kooxda Real Madrid.

Kooxda Cordoba ayaa goolka la hor martay,waxaana daqiiqadii sedaxaad ee ciyaarta gool rigoore ah u dhaliyay ciyaaryahan Nabil Ghilas.

Related posts

Madaxweyne ku-xigeenka Galmudug oo daahfuray koobka degmooyinka Galmudug “SAWIRRO”

June 5, 2023

Cayaartooyda Xulka Qaranka Dalkeenna oo baaritaan lagu xaqiijinayo da’dooda ku maraya Ethiopia

April 14, 2023

Ciyaaryahan Karim Benzema ayaa daqiiqadii 27-aad ee ciyaarta goolka barbardhaca u dhaliyay kooxda Real Madrid.

Ciyaaryahan Cristiano Ronaldo ayaa daqiiqadii 82-aad ee ciyaarta kaarka casaanka ah loo taagay,ka dib markii uu darbo iyo dharbaaxo isugu daray ciyaaryahan Jose Angel Crespo oo daafaca uga ciyaara kooxda Cordoba.

Ciyaaryahan Ronaldo ayaa laga yaabaa in la ganaaxo sedax kulan oo ka tirsan horyaalka Spain.

Ciyaaryahan Federico Nicolas Cartabia ayaa dhamaadkii ciyaarta kaarka casaanka ah ka qaatay kooxda Cordoba,ka dib markii gacanta ku taabtay kubad laad xur ah aheyd oo uu soo laaday ciyaaryahan Gareth Bale.

Ciyaaryahan Gareth Bale ayaa rigooradii loo dhigay kooxda Real Madrid gool u bedelay.

Kooxda Real Madrid ayaa horyaalka Spain ee La Liga ku hogaamineyso 48-dhibcood,halka kooxda Cordoba ay horyaalka uga jirto 14-aad,iyadoo leh 18-dhibcood.