Roma iyo Juventus oo Bareejo Ku Kala Baxay “SAWIRRO”

Kooxda Roma ayaa garoonkeeda Stadio Olimpico barbardhac 1-1 ah kula gashay kooxda Juventus oo hogaamineyso horyaalka talyaaniga ee Serie A-da.

Kooxaha Juventus iyo Roma oo ku jira kaalmaha koowaad iyo labaad ee horyaalka talyaaniga ayaa caawo isku fara saaray garoonka Stadio Olimpico ee magaalada Roma.

Related posts

Madaxweyne ku-xigeenka Galmudug oo daahfuray koobka degmooyinka Galmudug “SAWIRRO”

June 5, 2023

Cayaartooyda Xulka Qaranka Dalkeenna oo baaritaan lagu xaqiijinayo da’dooda ku maraya Ethiopia

April 14, 2023

Labadan kooxood oo xifaaltan adag ka dhaxeeyo ayaana wax gool ah iska dhalin qeybtii hore ee ciyaarta.

Garsoorihii ciyaarta Daniele Orsato ayaa daqiiqadii 63-aad ee ciyaarta kaarka casaanka ah u taagay ciyaaryahan Vasilios Torosidis oo daafaca uga ciyaarayay kooxda Roma.

Ciyaaryahan Carlos Tevez ayaa daqiiqadii 64-aad ee ciyaarta gool laad xur ahaa u dhaliyay kooxda Juventus.

Ciyaaryahan Seydou Keita ayaa daqiiqadii 78-aad ee ciyaarta goolka bareejada u dhaliyay kooxda Roma.

Kooxda Juventus lagama badin 16-kulan oo xiriir ah oo ka tirsan horyaalka talyaaniga.

Kooxda Juventus ayaa sagaal dhibcood ka sareyso kooxda Roma oo kaalinta labaad uga jirto horyaalka talyaaniga,waxana ay leedahay 58-dhibcood,halka kooxda Roma ay leedahay 49-dhicood.