Guud ahan degannda kala duwan ee Puntland waxaa si wada jir ah Maanta uga billoowday Roob doob Guud oo Alle bari ah, kadib markii ay adkaatay Abaar baahsan oo ku dhufatay inta badan Goballada iyo Degmooyinka Puntland.
Magaalo madaxda Puntland ee Garoowe,ayaa ka mid ahayd meelaha ay sida weyn ugu dhacday Roob doontu, iyadoo ay ka qaybgaleen qaar ka mid ah madaxda Puntland, Culimaa’udiin iyo Boqolaal Dad weyne ah.
Halkaasi waxaa khudbado kala duwan ka soo jeediyeen madaxda maamulka iyo Culimaa’udiin,waxanay inta badan ku dheeraadeen in la gargaaro Dadka tabaalaysan ee ay Abaaruhu saameeyeen.
Dhanka kale, Hay’adda Puntladn u qaabbilsan maaraynta musiibooyinka iyo arrimaha Bini’aaddannimada {HADMA}ayaa si weyn uga dayrisay xaallada Abaareed ee ka jirta Puntland, waxanay sheegtay inay Dadku ku jiraan xaalad khatar ah.
Agaasimaha Hay’adda HADMA C/laahi Axmed Cayrow, ayaa sheegay in Abaarta jirta ay saamaysay Halmilyan Lababoqol iyo Kontan Kun oo Qof, wuxuuna intaasi raaciyay in 90% Abaartu ku baahday xilligaan Dhulka Puntland .
Waxaa socda gurmadyo hoose oo ay wadaan qaybo ka mid ah Bulshada, kuwaasoo si iskood ah isu xil qaamay, waxaan Dhulka Miyiga ah ka billoowday Biyo dhaamin.
