Roobab mahiigaan ah oo ka da’ay deegaanka Duu-hooyo ee hoostaga magaalada Raka Raaxo ee gobolka Bari ayaa sababay dhimasho iyo khasaarooyin kale oo burbur hanti ah.
Guddoomiyaha degaanka Rako Raaxo Cabdirisaaq Cabdiraxmaan Saalax, ayaa sheeegay in roobab mahiigaan ah oo ka da’ay halkaasi ay sababeen daadad ay ku dhimatay haweeneey da’ah, islamarkaana uu burbur soo gaaray 35 guri.
Guddoomiyaha ayaa xusay in loo baahan yahay dadaallo ballaaran oo wax loogu qabanayo dadkii ku barakacay daadadkaasi ku soo rogmaday halkaasi, wuxuuna ugu baaqay bushada Soomaaliyeed, Maamulka Putland iyo dowladda Federaalka Soomaaliya in ay u soo gurmadaan bulshada ku dhibaateysan deegaanka Rako Raaxo.
Wasaaradda Deegaanka, Beeraha iyo Isbedelada Cimilada ee dowlad goboleedka Puntland ayaa horay u soo saaray digniin la xiriirta roobab dabeylo wato oo ku wajahan deegaanno ka tirsan Puntland.
