Roobabkii deyrta ayaa galabta ka bilowday deegaano ka tirsan gobolka Mudug, waxaana deegaanada ay roobabka ka da’een kamid ah degmada Bacaad-weyn, Wisil iyo Camaara oo ku yaala bariga gobolka Mudug.
Bulshada deegaanada roobabka ay ka curteen ku sugan oo la hadlay Radio Muqdisho ayaa sheegay in beraagihii ay buuxsameen isla markaana si wanaagsan ugu diirsadeen dadka iyo duunyada oo ku nool halkaasi.
Roobabkan deyrta oo ka curtay deegaanada gobolka Mudug ayaa imaanaya xillia jiilaal aad u daran uu ka jiray deegaanada gobolkaasi, sida uu ku soo waramayo wariyaha warbaahinta qaranka ee gobolka Mudug C/rasaaq Maxamed Axmed.
