Roobkii Dayrta ayaa Ka Curtay Deegaanno ka tirsan Gobollada Galgaduud iyo Mudug, xilli deegaannada qaar ee bartamaha Dalka ay ka jireen xaalado Abaareed iyo kuwa biyo laโaaneed.
Wariyaha Warbaahinta Qaranka uga soo warrama Gobolkaย galgaduud Maxamed Deeq Cabdi Maxamed ayaa soo sheegaya in Roobabkaas dayrta ah ay ka curteen deegaanno badan ooย ku yaalla Gobolka Galgaduud.
Deegaanka Ceel-garas ayaa ka mid ah meelaha Roobabka Dayrta ay ka Curteen, iyadoona ay ku diirsadeen Roobabkaas dadka iyo Duunyada ku nool deegaankaas oo u dhow degmada Dhuusamarreeb ee Gobolka Galgaduud.
Dhinaca kale Roobabkaan ayaa ka daโay dhinaca Waqooyi Ee Gobolka Galgaduud Gaar ahaan degmada Cabudwaaq si doo kalana isla degmada Caabudwaaq ee Gobolka galgaduud ย ayey Roobabkaas ka Curteen, iyadoo Neecowda Qabow ee Roobka ay ku diirsadeen Shacabka Kunool goobihii Roobabkaas ay ka daโeen.
Deegaannada Roobabka dayrta ay ka Curteen ayaa muddooyinkii dambe waxaa ka jiray biyo laโaan haysatay dadka iyo duunyada, iyadoo hadda goobahaas laga Dareemayo Raxmadda Alle maadaama Roobkii dayrta uu Deegaannadaas u Curtay.
