Mas’uuliyiin ka socotay rugta ganacsiga iyo warshadaha oo maalmahan safar ku joogay dalka Talyaaniga yaa kulamo kale duwan la yeeshay mas’uuliyiin iyo ganacsatada dalka Talyaaniga, iyagoo waxyaabaha ay kala hadleen ay ka mid ahaayeen saxiixa hishiis ku aadan ka qeyb galka Soomaaliya ay ka qeyb galeyso bandhig lagu qaban doono dalkaasi oo dhinacyo kale duwan isugu jira.
Xubnahaasi ayaa waxaa ka mid ahaa gudoomiyaha rugta ganacsiga iyo warshadaha Maxamuud Cabdi Cali Gabeyre iyo xubno uu hogaaminayay agaasimaha rugta ganacsiga iyo warshadaha Cabdi Abshir Dhoore oo warbaahinta Qaranka la hadlay ayaa faah faahin ka bixyay guud ahaan kulamadii dalkaasi kula soo qaateen mas,uuliyiin iyo ganacsato u dhashay Talyaaniga.
Related posts
Agaasimaha oo hadalkiisa sii wata yaa ku booriyay ganacsatada Soomaaliyeed in ay dowrkooda kaga aadan muujinta horumarka dhanka ganacsiga Soomaaliya ay ku soo bandhigaan dalka Talyaaniga oo dhawaan lagu qaban doono Bandhiga ganacsi.
Mas’uuliyiinta ayaa intii wadanka Talyaaniga ay ku sugnaayeen xubnihii ay la kulmeen u muujiyay sida ay ugu faraxsan yihiin in Soomaaliya ay ka qeyb qaadato bandhigaasi.
