Shabakadda CNN ee Mareykanka ayaa daaha ka qaaday iyadoo soo xiganeyso afhayeenka ciidamada qalabka sida ee Ukraine, gaar ahaan kuwooda ka howlgala jiidaha bari, in Ruushka uu geeyay in ka badan 180,000 oo Askari labada jiho ee ugu balaaran dagaalka ka socda Ukraine.
“In ka badan 180,000 oo ciidamada Ruushka ah ayaa la geeyey Jiidaha bari ee dagaalka, si leysugu dayo ina xoog lagu jiiro ciidamada Ukraine” ayuu yiri Serkhi Chervaty.
Chervaty oo sidokale, wareysi siiyay warbaahinta Ukraine Isniintii shalay, ayaa sheegay in ay jiraan 120,000 Askari oo dheeraad ah oo ku sugan Liman iyo Kopyansk, kuwaasi oo uu sheegay in ay qeyb ka noqonayaan dagaalka halkaasi ka socda.
Magaalooyinka Liman iyo Kobyansk, ayaa qiyaastii 100 kiiloomitir waqooyi ka xigtaa Bakhmut.
