Ra’iisul Wasaare Ku-Xigeenka Xukuumadda Federaalka Soomaaliya ayaa tacsi u diray ehelada, qaraabada, iyo shacbiga Soomaaliyeed ee uu ka baxay Marxuum Dhamme Nuur Xuseen Hakaar (Nuur Dheere) oo galabta ku geeriyooday Isbitaalka Erdogan (Digfeer) ka dib markii uu ku dhaawacmay qaraxii Hotel Dayax loo gaystay.
“Waxa aan ka tacsiyeeynayaa geerida Taliyihii Ciidanka ilaalada Ra’iisul Wasaaraha Marxuum Dhamme Nuur Xuseen Hakaar (Nuur Dheere) oo ay dishay gacan ka xaqdaran, waxa aan Illaahay uga baryeyaa Marxuumka in uu janatul firadows ka waraabiyo ehelkiisii iyo qaraabadii, ciidankii, dawladda iyo shacbiga Soomaaliyeed sabir iyo iimaan ka siiyo”.
Mudane Carteh ayaa sheegay in Marxuumka uu ahaa shaqsi waajibaadkiisii
Qaran si wanaagsan u gudan jiray.
“Maxuum Nuur Dheere wuxu ahaa nin hawshiisa iyo masuuliyaddiisa si hagar la’aan ah u qabta. Illaahay ha ka abaal mariyo oo janno ha ugu bedelo, Aaamiiin”.
—–DHAMAAD—–
