Ra’iisul Wasaaraha XFS Soomaaliya Maxamed Xuseen Rooble oo war ka soo saaray guusha Afhayeenka xukuumadda Maxamed Ibraahim Macalimuu oo maanta loo doortay xubin ka tirsan golaha shacabka ayaa u hambalyeeyey, isagoo sheegay in qof ka mudan Macalimuu uu yaryahay.
Hoos ka akhriso qoraalka Ra’iisul Wasaaraha
Waxaan hambalyo gaar ah u dirayaa walaalkey Maxamed Ibraahim Macallimuu oo maanta loo doortay xildhibaan ka tirsan Golaha Shacabka Baarlamaanka 11aad ee JFS.
Macallimuu waxa uu dalka ugu soo shaqeeyay xirfado kala duwan, xilliyo kala duwan isagoo u soo dhabar adaygay duruufo adag oo aan dhiirrigelineyn.
Ma badna ayaan filayaa qof ka mudan in maanta lagu maamuuso in uu xildhibaan u noqdo Qaranka oo uu Macallimuu u 5 jeer u dhaawacmay. Waxaan u mahadcelinayaa dadka uu kursiga ku matalo oo u doortay xilkan iyo Shacabka Soomaaliyeed ee garab istaagga u muujiyay.
