R/wasaaraha Britain David Cameron ayaa xalay ku dhawaaqay inuu boqolaal askari ย uu u dirayo waddamada Somaliya iyo South Sudan,
David Cameron R/wasaaraha Britain ayaa sheegay in ciidamadaasi ay ka qeyb qaadan doonaan la dagaallankaย xagjirnimada, iyagoo taageeraya ciidamada Nabad Ilaalinta Qaramada Midoobey.
Related posts
Mr Cameron ayaa sheegay in 70 ย ka tirsan Ciidamada Milateriga ay u dirayaan Soomaaliya, si ay uga caawiyaan Ciidamada Nabad ilaalinta Midowga Afrika dagaalka ka dhanka ah argagixisada Shabaab..
Waxaa uu sheegay Cameron in dalkiisu uu 300 ย askari u dirayo waddanka Koofurta Sudan, halkaasoo labadii sano ee u dambeeyay ay dagaallo sokeeye ka oognaayeen.
R/wasaare Cameron ayaa sheegay in doorka ciidamada uu usoo dirayo Soomaaliya uusan noqon doonin dagaalka dhulka, balse ay ku koobnaan doonaan oo kaliya tababarka iyo taageerida xagga saadka ee Ciidamada nabad ilaalinta.
Raโiisul Wasaaraha Britain ayaa sidoo kale sheegay inay qaadan doonaan taxadar aad u weyn oo ku aadan sidii looga fikiri lahaa ammaanka iyo nabadgelyada Ciidamadan.
Raโiisul Wasaare Cameron ayaa maanta si rasmi ugu dhawaaqaya qorshihiisan, isagoo garab fadhiya Madaxweynaha Mareykanka Obama iyo Xoghayaha Guud ee Qaramada Midoobey Ban Ki-moon ee shirka Golaha Guud ee Qaramada Midoobey oo ka furmaya magaalada New York ee dalka Mareykanka..
