Ra’iisul wasaaraha xukuumadda federaalka Soomaaliya, Xasan Cali Kheyre ayaa dib ugu soo laabtay Magaalada Garoowe, ka dib booqashadii uu ku tegey Magaalada Qardho.
Mudane; kheyre oo safar Dhulka ah ku maray deegaannada uu booqday ayaa waxa uu soo maray Tuulooyin badan oo ku yaalla hareeraha Waddada isku xirta Garoowe iyo Qardho, halkaas oo ay kusoo dhoweeyeen Shacab fara badan iyo wax garadka degaannadaasi, isagoo si furan ula sheekeystay Dad weynaha ku nool Tuulooyinkii uu soo maray.
Shacabkii uu R/wasaaruhu kula kulmay Tuulooyinkii uu soo maray ayaa waxay u sheegeen in ay si weyn ugu oomman yihiin Dowladnimo, qaddarin iyo Jacayl weyna ay u hayaan xukuumaddooda.
Ra’iisul wasaare ;Kheyre iyo wafdigiisa oo Xalay fiidkii kasoo ambabaxay Magaalada Qardho ayaa u hoyday Garoowe, halkaaso oo lagu wado inay kaga qayb galaan Maanta xuska 20 guuradii kasoo wareegatay asaaskii maamul Goboleedka Puntland oo ku beegnaa 1-da Augost 1998-dii.
