Raโiisul Wasaaraha Soomaaliya Mudane Xasan Cali Khayre ayaa kormeer ku tagay xarunta Wasaaradda Caafimaadka, Waxaana halkaasi ku soo dhaweeyay Wasiirka Caafimaadka Marwo Fowsiyo Abiikar Nuur iyo qaar Ka mid ah shaqaalaha Wasaaradda.
Raโiisul Wasaaraha ayaa u kuur galay howlaha shaqo ee wasaaradda iyo adeegyada caafimaad ee ay siiso shacabka, isagoo madaxda wasaaradda ka dhagaystay warbixinno ku saabsan sida ay wasaaraddu u shaqayso. Sidoo kalena wuxuu booqday dhammaan xafiisyada Wasaaradda.
Related posts
Raโiisul Wasaare Xasan Cali Khayre ayaa bogaadiyay sida ay shaqada u wadaan howl-wadeennada Wasaaradda Caafimaadka taas oo ah, shaqo muhiim u ah shacabka Soomaaliyeed. Waxuuna kula dardaarmay in ay balaariyaan howlahooda shaqo.
Sidoo kale R/wasaare Khayre ayaa ka hadlay ahmiyadda ay Wasaaraddu u leedahay shacabka Soomaaliyeed, maaddaama ay ka mid tahay Wasaaradaha loogu baahi badanyahay.
