Raโiisal wasaaraha Soomaaliya Mudane Xasan Cali Kheyrre oo ku sugan magaalada Baydhabo ee xarunta KMG ah ee Maamulka Koonfur Galbeed Soomaaliya ayaa maanta magaaladaasi uga qeyb galaya munaasabad lagu dhagax dhigayo Xabsi cusub oo laga dhisayo magaalada Baydhabo.
Xabsiga oo qeyb ka ah mashaariicda Dowladda Goboleedka Koonfur Galbeed ay kala kaashaneysa Beesha caalamka ayaa laga dhisayaa duleedka Waqooyi ee magaalada Baydhabo halkaasi oo uu maanta ka dhagax dhigayo Raโiisal wasaaraha Soomaaliya Xasan Cali Kheyrre.
Related posts
Raโiisal wasaare Kheyre waxaa munaasabaddaasi ku wehlinaya Xildhibaanno ka tirsan Dowladda Federaalka, maamulka Koonfur Galbeed iyo madaxweynaha maamulkaasi Shariif Xasan Sheikh Aadan.
Wariyaha Warbaahinta Dowladda ee ku sugan magaalada Baydhabo Siraaji Sheekh Isxaaqย ayaa soo sheegaya in baahi weyn oo dhanka xabsiga ah ay ka jirto deegaannada Koonfur galbeed, islamarkaana xabsiga hadda dhisan uu qaadeyn tiro badan oo maxaabiis ah hadana uu la ciir ciirayo kuwa ku xiran.
Raโiisal wasaaraha Soomaaliya Mudane Xasan Cali Kheyrre iyo Wafdi uu hogaaminayo ayaa shalay lagu soo dhaweeyay magaalada Baydhabo, isagoo lugta soo mariyay meelo badan muhiim ah oo ka tirsan magaalada Baydhabo gaar ahaan xarumaha maamulka uu ku shaqeeyo.
