Shirkan oo qeyb ka ah wadatashiyada ay wadeen Guddiga madaxa bannaan ee Doorashooyinka Qaranka ee ku aadan Manhajka wacyigelinta iyo Waxbaridda Cod bxiyaha Doorashada islamarkaana socon doona muddo labo malamood ah ayaa Masโuuliyiinta Guddiga,waxa ay la yeesheen Xisbiyada sida KMG ah loo idiwaangaliyay iyo kuwa hada ku guda jira is diiwaan gelinta.
Xuseen Cabdi Aadan oo katirsan Xubnaha Guddiga Madaxa bannaan ee Doorashooyinnka Qarnka ayaa sheegay in Xisbiyada looga baahan yahay inay la yimaadaan Aragtiyo dhaxal gal ah oo lagu biirin karo diyaarinta Manhajka wacyigelinta Doorashada.
Gudoomiyaha Xisbiga wadajir Kamaal Daahir Guutaale ayaa talaabo hore loo qaaday ku tilmaamay diyaarinta iyo Hirgalinta manhajkan oo laf-dhabar u ah hirgelinta doorasho qof iyo cod ah.
Wasiirka Shaqada iyo Arrimaha bulshada Xukuumada Soomaaliya saalax Axmed Jaamac oo la hadlayay ka qeybgalayaasha Shirka ayaa xusay in qabsoomidda Doorashada la rejeynayo sanadka 2020 ay ku xiran tahay in hab midnimo ah loo wajaho iyadoo dhammaan dhinacyada ay quseyso ay iskaashanayaan.
R/Wasaare ku xigeenka Soomaaliya Mahdi Maxamed Guuleed waxa uu sheegay in Xukuumadaa ay xoogga saareyso hirgalinta Doorasho Qof iyo cod ah, islamarkaana dhiirigalineyso axsaabta is-diiwaan galiyay .
