R/wasaare ku xigeenka dalka, wasiirka warfaafinta, xildhibaanno siyaasiyiin iyo ergooyin ka socday gobollada waqooyi ee dalka, ayaa ka qeybgalay kulan wada tashi ah oo looga hadlayay hiigsiga 2016-ka kaasoo maanta lagu qabtay magaalada Muqdisho.
Xildhibaan Fowsiyo Yusuf Xaaji Aadan, Xildhibaan Xuseen Carab Ciise oo ka hadlay furitaanki kulankan ayaa tilmaamo ka bixiyay aragtida shacbka ku dhaqan gobollada waqooyi ee wajahan hiigsiga 2016ka.
Wasiirka warfaafinta dhaqanka iyo dalxiisak xukuumadda Soomaaliy Maxamed Cabdi Xayir “Maareeye” oo ka hadlay munaasabaddaasi ayaa ka waramay marxaladihii dalka uu soo maray, isbedellada iyo horumarka dalka uu ku talaabsanayo iyo baahida loo qabo in la helo afkaarta bulshada ka soo jeedda gobolladda waqooyi ee dalka taasoo ku wajahan hiigsiga 2016-ka.
R/wasaare ku xigeenka dalka mudane MAxmed Cumar Carte oo isna ka hadlay kulankaasi ayaa sheegey in shirkani uu muujinayo ahmiyadda ay leedahay midnimadda ummadda Soomaaliyeed.
Kulanka ayaa laga soo saaray War-murtiyeed xumbaarsanaa qodobo ay ka mid ahaayeen xoojinta midnimada ummadda Soomaaliyeed iyo wax wada qeybsigooda iyo wadahadallada u dhexeeya dowladda Soomaaliya iyo Soomaaliland iyo aragtida bulshada ka soo jeedda gobollada waqooyi ee ku wajahan hiigsiga 2016ka.
Kulankan ayaa daba socoda shirar looga hadlayay hiigsiga 2016-ka oo lagu qabtay gobolada dalka.
