R/wasaare ku-xigeenka Xukuumadda Federaalka Soomaaliya Mudane Maxamed Cumar Carteh ayaa shir gudoominayay kulan wadatashi ah oo u dhaxeeyay dowladda iyo hey’adaha U.N-ka oo uu hogaaminayay Ku-Xigeenka Ergeyga gaarka ah ee Xoghaya guud ee Qaramada Midoobay u qaabilsan Soomaaliya.
Mudane Carteh ayaa sheegay in Xukuumadda ay waqti badan ku bixisay diyaarinta Qorshaha Horumarinta Qaranka.
“Waxaan dadaal dheeri ah gelinnay diyaarinta Q. H. Q. ku dhawaad 30 sano kadib kaasoo inoo fududeeyn doona sidii horumar waara aan dalkeena u gaarsiin laheen, Waxaa kaloo muhiim ah in hey’adaha UNka ay waafaajiyaan QHQ barnaamiyadooda horumarineed”.
Ugu dambeyn RW Ku-Xigeenka ayaa u mahadceliyay Wasaaradda Qorsheeynta Qaranka iyo dhamaan qeybaha kala duwan ee ka qeyb qaatay diyaarinta QHQ oo uu ku tilmaamay guul weyn oo ay dowladda soo socota ka dhaxli doonta Xukuumadda hada jirta.
