Raโiisul Wasaare Ku-Xigeenka Xukuumadda Federaalka Soomaaliya Mudane Maxamed Cumar Carteh ayaa maanta gudoomiyay shir ku saabsanaa sidii loo waafajin lahaa miisaaniyadda 2017 qorshaha horumarinta qaranka, waxanaa ka soo qeygalay Wasaaradda Maaliyadda, Wasaaradda Qorsheeynta Qaranka, iyo Gudigga shaqaalaha rayidka.
Mudane Carteh ayaa sheegay in qorshaha horumarinta Qaranka uu muhiim u yahay horumar waara oo la gaarsiiyo dadka iyo dalka Soomaaliyeed asagoona magacaabay guddi howled arintaa ka howlgeli doona.
Related posts
โQorshhaa Horumarinta Qaranka waa mid dalka horumar dhaqaale gaarsiinaya; sidaa awgeed waa muhiim in miisaaniyadda 2017 aan ku saleyno, Waxaana howshaa ka shaqeyn doona guddi ka kooban Xafiiska Raโiisul Wasaaraha, Wasaaradda Maaliyadda, iyo Wasaaradda Qorsheeynta Qarankaโ.
Dhanka kale Mudane Maxamed Cumar Carteh ayaa guddi u saaray tayeeynta habka shaqo qorida dowladda sii loo hirgeliyo shaaqaaleeyn ku saleysan mabdaโa mudnaanta islamarkaana miisaaniyadda Qaranka waafaqsan.
โWaa lagama maarmaan inaan habka shaqo qorida dowladda ku saleyno mabdaโa mudnaanta iyo miisaaniyadda qaranka si shaqaalaha dowladda ay u noqdaan kuwo tayo leh islamarkaana xuqooqdooda ka hela dowladda, Waxaana howshaa ka shaqeyn doono guddi ka kooban Xafiiska RW, Wasaaradda Shaqada iyo shaqaalaha, Wasaaradda Qorsheeynta Qaranka, Wasaaradda Maaliyadda, Guddiga shaqaalaha rayidka, iyo Bankiga dhexeโโ.
Ugu dambeyn, RW Ku-Xigeenka ayaa ku baaqay in la abuuro fursado kobcin karta dakhliga si loo balaariyo miisaaniyadda dowladda kana jawaabto adeega bulshada ee ay dowladda bixineyso.
