Saamaynta abaarta ka jirta gobolka Galgaduud ee bartamaha Soomaaliya ayaa marba marka ka dambeeysa sii badanaysa, waxaana kordhaya dhibaatooyinka nololeed ee ka dhalanaya.
Deegaanda, Docoley, Dhagruur, Kaxandho, Qofsaar iyo Laasa-barin oo hoos yimaada degmada Cadaado ee gobolka Galgaduud ayaa bulshada ku nool waxaa ka soo yeeraya cabasho lixaad leh oo la xiriirta dhibaatooyinka ka dhashay abaarta.
Nacfigii xoolaha laga heli jiray oo meesha ka baxay ayaa dadka ku keentay xaalad nafaqo dari, waxaana jira dad xoolihii ka dhamaadeen oo tuulooyinka iyo maagaalooyinka soo galay sida uu Radio Muqdisho u sheegay Xassan Cusmaan Ciid oo ka mid ah xoola dhaqatada degan deegaanka Laasa-barin oo Cadaado hoos yimaada.
Waxa uu sheegay in ay hadda u cabsi qabaan nolosha dadka haddii aan la helin gurmad beniโaadannimo oo deg deg ah, waxaana meelaha qaar ka jira cuduro ay ka mid yihiin shuban biyoodka iyo Jadeecada.
Inta badan gobolada dalka ayaan helin xilli roobaadka Dayrta, balse deegaanada gobolka Galgaduud ka tirsan ayaa iyaga waxaa u sii dheer inaysan sidoo kale helin Gugii ka sii horeeyay.
