Saddex carruur ah ayaa ugu geeriyootay deegaanka Yeed ee gobolka Bakool xanuunka shuban biyoodka halka 15 kale ay iminka la ildaranyihiin, kuwaasi oo la gaarsiiyay goobaha caafimaadka.
Cabdinuur Sheekh Maxamed Kheyre oo ka mid ah odoyaasha deegaanka ayaa Radio Muqdisho u xaqiijiyay geerida saddexda ruux ee u dhimatay xanuunka shuban biyoodka ah, waxaana uu intaa ku daray in 15 kale ay iminka la jiifaan, kuwaasi oo aan heysan daryeel caafimaad.
Cabdinuur ayaa sheegay in deegaanka Yeed ee gobolka Bakool uu ku yaalo hal xarun caafimaad, taasi oo aan dabooli karin baahida dadka uu soo ridanayo xanuunka shuban biyoodka ah ee ka dilaacay deegaanka, waxaana uu ku baaqay in gurmad deg deg ah la soo gaarsiiyo dadka uu soo ridanayo xanuunkan.
