Safaaradda Soomaaliya ee dalka Kenya ayaa deeq isugu jirta bacaha guryaha la saarto, caagadaha biyaha lagu dhansado iyo marada kaneecada laga kalo gaarsiisay qoysas Soomaaliyeed oo dhawaan guryahoodii uga gubteen dab ka kacay xerada qaxootiga ee Xagardheer.
Dadka kaalmada helay oo ka badnaa 20 qoyd ayaa ugu mahad celiyay masuuliyiinta safaaradda kaalmada, ayagoo bogaadiyay jawaabta deg deg ah ee ay ka helaan safaradooda.
Related posts
Dhanka kale gudoomiyaha xaafada ay ku noolyihiin qoysaskan guryahooda gubteen Axmed Sulub Faarax ayaa soo dhaweeyay deeqdan.
โWaxaan maanta halkan ku guddoonay deeq aan fileynin oo nooga timid safarada Soomaaliya ee dalka Kenya, waana uga mahad celineynaa sida ay uga damqatay dhibaatada soo gaartay dadkeedaโ ayuu yiri Axmed Sulub.
Xerada Qaxootiga ee Dhadhabaab, waxaa ku jira dad badan oo Soomaali ah oo ka qaxay dagaalladii waddanka ka dhacay iyo waliba abaaro, qaar badan oo ka mid ah dadkaas ayaa dib ugu soo laabtay waddanka, dowladaha Soomaaliya, Kenya iyo hayโadda UNHCR ayaa ka wada shaqeynaya qorshe dadka u suurta galinaya inay dalkooda dib ugu soo laabtaan marka ay ayagu goโaansadaan.
