Munaasabada dib u furista Safaaradda ayaa waxaa ka qeyb galay Diblomaasiyiin ka socday Safaaradda Mareykanka, Kaaliyaha Xoghayaha Arrimaha Dibadda Mareykanka ee Afrika, Jaamacadda Carabta, Jaaliyadda Soomaaliyda, Masโuuliyiin horay xilal uga soo qabtay Soomaaliya,Wasiirka Arrimaha Dibadda C/salaan Hadliye, Safiirka iyo Safiir kuxigeenka Safaaradda Soomaaliya ee Washington.
Intii Munaasabadda socotay ayaa waxaa lagu soo bandhigay waxyaabaha dhaqanka u ah Soomaalida, iyadoo diblomaasiyiintii ka socotay Safaaradaha ku yaalla Washington ay aad u jecleysteen.
Kaaliyaha Xoghayaha Arrimaha Dibadda Mareykanka ee Afrika ayaa sheegtay in Soomaaliya ay dib u soo kabaneyso, isla markaana ay is bedelo ka jiraan, waxaana ay sheegtay in Mareykanka uu si rasmi u aqoonsaday Soomaaliya, iyadoo soo dhoweysay dib u furista safaarada Washington.
Wasiirka Arrimaha Dibbada Soomaaliya C/salaan Hadliye Omar ayaa sheegay in mhiimad gaar ah ay u leedahay Soomaaliya dib u furista Safaarada Washintong, maadaama ay tahay Caasimadda Adduunka, waxaana uu tilmaamay inuu ku faraxsan yahay in Calanka Soomaaliya uu ka babanayo Safaaradooda Washington DC.
