Masuuliyiintaย safaaradda Soomaaliya ee dalka Pakistanย oo ay hoggaaminayso Danjire Marwo Khadiija Maxamad iyo u qaybsanaha ganacsiga iyo warshadaha ee Safaaraddaย Khadar Dheen Guuleed ayaa waxay kulamo ku saabsan dardargalinta ganacsiga labada dal kula qaateen rugaha ganacsiga ee ka dhisan dalka Pakistan kuwooda ugu firfircoon, kuwaasoo ay ka mid yihiin,ย Rawalpindi Chamber of Commerce and industries (RCCI) iyo Islamabad Camber of commerce and industries (ICCI).
Goob ay xaadir ku ahaayeen Ganacsatada ugu waawayn dalka pakistan ayaa Danjireย Marwo Khadiija ayaa tiriย โWaxaa jiro fursado dihin ah oo ay labada dal ee walaalaha ahi ka wada faa’iidi karaan, fursadahaas oo loo baahanyahay in labada dowladood si hufan uga wada shaqeeyaanโ.
U qaybsanaha ganacsiga iyo warshadaha ee Safaaraddaย Soomaaliya ee Pakistan mudane Khadar Dheen Guuleed oo isna halkaasi ka hadlay ayaa yiriย “Waxaan ka shaqaynaynaa in aynu yeelano heshiisyo ganacsi oo ku sulaysan sinnaansho ganacsi Soomaaliya waxaa la ansixiyay sharcigii maalgashiga oo la micno tahay Soomaaliya waa u diyaar maalgashi, waxaan ku boorinaynaa ganacsatada in ay ka faa’iidaystaan fursadaha ka jiro dalka maaddaama uu dib u dhis ka socdo dalkayaga, waxaan kor ugu qaadi karnaa ganacsiga labadeenna dal, inagoo wadaagna wufuud ganacsi si uu u yimaado isdhexgal ganacsato iyo in aynu mataanayno rugaheena ganacsi si xog joogta ahi u kala helaanโ.
Madaxweynayaasha Rugaha ganacsiga ee labada dal ayaa soo dhaweeyay talooyinkaas iyagoo ku daray in ay ahmiyad gaar ah saari doonaan in duulimaad toos ah qaybta xamuulka u gudbin doonaan dowladdooda diyaarna u yihiin raโayiga uu soo jeediyay u qaybsanaha Ganacsiga iyagoo ballanqaaday inayย heshiisyo isfahan shaqo ah la saxiixan doonaan rugaha ganacsi ee ka jira dalka Soomaaliya.
Meelaha la isla afgartay in si wadajir ah loo hormariyo waxaa ka mid ah Xoolaha nool dalagga, dib u dhiska Soomaaliya, daawooyinka, bariiska shamiitada, tayayn ama kor u qaadis xirfadda shaqaalaha Wasaaradda Ganacsiga iyo rugaha ganacsiga, in la is dhaafsado wufuud ganacsi, iyo in bandhig carweed sanad laโah oo ku kooban labada dal la qabto.
Sidoo kale uย qaybsanaha ganacsiga iyo warshadaha ee Safaaraddaย Soomaaliya ee Pakistan mudane Khadar Dheen Guuleed oo dadaal dheer ugu jiro abuurista fursado ganacsi iyo sidii loo dardargalin lahaa ayaa la kulmay Agaasimaha laanta socdaalka Ganacsiga Pakistan iyo ku xigeenkiisa.
