Safiirka Soomaaliya u fadhiya Dalka Masar Amb: C/qani Maxamed Wacays ayaa ku war geliyay Soomaalida Dalkaasi ku nool in ay taxaddar muujiyaan Saddexda Maalin ee ay doorashadu socoto, wuxuuna kula dar-daarmay inaysan marnaba ka tagin aqoonsiyadooda, si ay Safaaradda u soo wacaan haddii ay dhibaato la kulmaan.
Amb; Wacays ayaa u sheegay Soomaalida ku nool Dalka Masar in xilliyadan oo kale dhici karaan rabshado laga yaabo inay iyaga waxyeello ka soo gaarto, sidaa daraaddeedna loo baahan yahay inay muujiyaan feejignaan dheeri ah.
Doorashooyinka ka socda Dalka Masar ayaa lagu wadaa inay soo gaba-gaboobaan Berrito oo Arbaco ah, iyadoo natiijadana la shaacin doono Saddexda illaa Afarta Bisha April ee Sanadkan 2018-ka.
