Kulan ay xalay magaalada Johanneesburg ku yeeshay Waxgaradka, Ganacsatada Soomaalida iyo Safaarada Soomaaliya ay ku leedahay dalka Koonfur Africa ayaa looga hadlay dhibaatooyinkii ka soo gaaaray ganacsatada Soomaalida Rabshadahii ka dhacay deegaanka Saweto.
Kulankaasi Masuuliyiintii ka qeybgashay oo uu ka mid ahaa Safiirka Soomaalida u fadhiya Dalkaasi Jamaal Maxamed Barrow, ayaa waxaa halkaasi lagu magacaabay guddi ka shaqeeya caawinta dadkii hantidooda lagu boobay iyo sidii loo caawin lahaa.
Kulankaasi oo socday muddo saacado ah ayaa waxa uu u dhaxeeyay Ganacsatada, madaxda Jaaliyadda, Ururka Dhallinyarada ,Safiir Jamaal Maxamed Maxamed Barrow iyo xubno ka socday safaaradda, waxaana looga hadlay arrimo badan oo khuseeya dhibaatooyinka ka soo gaaray ganacsatada rabshadihii labadii maalmood ee ugu dambeeyay ka dhacayay Deegaanka Sweeto, waxaana la isla gartay la sameeyo goobo la dhigo waxyaabihii laga soo badbaadiyay qolyihii wax boobayay.
