Danjiraha Jamhuuriyadda Federaalka Soomaaliya ee Ethiopia mudane Cabdullaahi Maxamed Warfaa ayaa kulan muhiimad weyn ugu fadhiya horumarka Qaranka Soomaaliyeed waxa uu Addis Ababa kula yeeshay dhiggiisa Jamhuuriyadda Talyaaniga ee Ethiopia Ambassador Agostino Palese.
Danjire Warfaa ayaa dhiggiisa Talyaaniga la wadaagay horumarada hana qaaday ee ay ku guulaysattay Dawladda uu hogaamiyo Madaxweyne Xasan Sheekh Maxamuud ee isugu jira adkaynta amniga, cirib tirka argagixisada, horumarinta arrimaha bulshada iyo xoojinta xiriirka ay Soomaaliya la leedahay caalamka intiisa kale.
Ambassador Agostino ayaa dhankiisa bogaadin iyo hambalyo la wadaagay dhiggiisa Soomaaliya Cabdullaahi Warfaa, wuxuuna Jamhuuriyadda Soomaaliya ku ammaanay dedaalka ay ugu jirto soo af-jaridda khawaarijta, kobcinta Dawlad wanaaga iyo adkaynta Nabad-gelyada, isagoo caddeeyey in Jamhuuriyadda Talyaanigu ay si buuxda u garab taagan tahay Jamhuuriyadda Federaalka Soomaaliya.
