Madaxweynaha dowladda Masar ayaa warqadaha qoonsiga ka gudoomay ambasadoor Cabdiqani Maxamed Waceys oo dowladda Soomaaliya ay u magacowday in uu noqdo safiirka Soomaaliya u fadhiya dalka Masar.
Madaxweynaha Masar oo ka hadlay kulankii qaabilaadda Safiirka Soomaaliya ayaa sheegay in dowladda Masar ay garab taagan tahay dowladda Soomaaliya , islamarkaana safiirka looga baahan yahay in uu sare u qaado xirriirka ka dhaxeeya labada dal.
Madaxweynaha ayaa xusay in Soomaaliya iyo Masar ay ka dhaxeyso taariikh dheer oo soo jireen ah , islamarkaana dowladda Masar ay dhinacyo badan ka caawiso dowladda Soomaaliya.
Safiirka dowladda Soomaaliya u qaabilsan dalka Masar Danjire Cabdiqani Maxamed Waceys oo la hadlay Warbaahinta ayaa sheegay in uu ka shaqeyn doono sidii uu u sii jiri lahaa xiriirka walaaltinimo ee ka dhaxeeya labada dal , isagoo dowladda Masar uga mahadceliyay taageerada ay siiso dowladda Soomaaliya.
Mudane Cabdiqani Maxamed Waceys waxa uu horay uga soo shaqeeyay Safaaradda Soomaaliya ee dalka Hindiya oo uu ka ahaa Safiir
