Danjiraha Soomaaliya ee boqortooyada Sacuudiga Danjire Daahir Maxamuud Geelle ayaa hambalyo u diray Madaxweynaha cusub ee Soomaaliya Mudane Maxamed Cabdullaahi Maxamed Farmaajo, isagoo bogaadiyay baarlamaanka oo ka dhabeeyay waxyaabihii ay ku dhaarteen.
Safiirka Soomaaliya ee Boqortooyada Sacuudiga Danjire Daahir Maxamuud Geelle oo la hadlay Radio Muqdisho ayaa sheegay in shacabka Soomaaliyeed ay u soo hooyatay guul taariikhi ah, waxaana isaga oo ku hadlaya magaca Safaarada uu hambalyo u diray Madaxweyne Maxamed Cabdullaahi Maxamed Farmaajo.
“Aniga oo ku hadlaya magaca safaaradda, kan qunsiliyadda iyo Jaaliyadda Soomaaliyeed ee wadanka Boqortooyada Sacuudiga, waxaan hambalyo iyo bogaadin u dirayaa Madaxweynaha cusub ee dalka, waxaana diyaar u nahay inaan la shaqeyno”ayuu yiri Danjire Daahir Geelle.
