Safiirka Soomaaliya ee dalka Ethiopia Danjire Maxamed Cali Nuur ayaa xarunta Safaarada ee magaalada Addis Ababa kula kulmay Safiirka Indonesia Danjire Imam Santoso oo ay ka wada hadleen xoojinta labada Wadan iyo sidii loo horumarin lahaa cilaaqaadka walaaltinimo ee u dhexeeya Somaaliya iyo Indonesia.
Safiirka Indonesia Danjire Imam Santoso ayaa ku nuuxnuuxsaday in dawladda Indonesia ay ka goโantahay sidii ay u garab istaagi lahayd dawaladda Soomaaliya oo uu sheegay in uu kala dhexeeyo xiriir walaaltinimo.
Safiirku wuxuu sidoo kale sheegay in Soomaliya ay ka taakuleen doonaan dhinacyo badan oo ay ugu horayso xagga Waxbarashada iyo caawinta hayโadaha dawladda, waxaana uu safiirka Soomaaliya ku wareejiyay warqad martiqaad ah oo uu ka siday Madaxweynaha Dalka Indonesia oo ku saabsan martiqaad loo fidiyay Madaxweynaha Soomaaliya.
Dhanka kale, Safiirka Soomaliya Danjire Maxamed Cali Nuur ayaa safiirka indonisia Ambassador Imam Santoso uga mahadceliyay booqashada uu ku yimid safaaradda Soomaliaya, isaga oo ka hadlay sidii loosii xoojin lahaa xiriirka ganacsi ee ka dhexeeya labada dal.
Kulankaas oo ay goob joogayaal ka ahaayeen qaar ka mid ah Diploomaasiyiinta safaaradda ayaa kusoo gaba gabooyay jawi isafgarad ah, waxaana loo ballamay kulamo kale oo lagusii xoojinayo xiriirka labada dal.
