Danjiraha Dowladda Jamhuuriyadda Federaalka Soomaaliya u fadhiya Dalka Indonesia Danjire Dr. Faysal Axmed Salad ayaa laga guddoomay warqadaha aqoonsiga munaasabad ka dhacday Madaxtooyada Dalka Indonesia.
Madaxweynaha Jamhuuriyadda Indonesia Mudane Prabowo oo uu wehliyo Wasiirka Arrimaha Dibedda Sugiono ayaa si rasmi ah warqadaha uga guddoomay Danjire Dr. Faysal Axmed Salaad, uguna hambalyeeyay inuu noqday Danjiraha ugu horreeyay ee la aqbalo muddo usbuuc ka yar oo uu joogay wadanka taasoo ka dhigan muhiimadda Xiriirka Diblomaasiyadeed ee labada Dowlad ee Soomaaliya iyo Indonesia.
Related posts
Danjire Dr. Faysal Axmed Salaad ayaa uga mahad celiyay Madaxweynaha iyo Dawladda Indonesia soo dhaweynta heerka sare leh ee loo fidiyay, islamarkaana Madaxweynaha iyo kan Shacbiga Soomaaliyeed ka salaan diiraan ka gaarsiiyay Madaxweynaha, ballan qaadayna inuu ka shaqeyn doono sare u qaadista xiriirka labada wadan.
