Danjire Jabriil Ibrahim Cabdulle ayaa maanta khudbad furitaan ah ka jeediyay kulanka looga hadlayay kaalinta dalka Shiinaha uga jiro horumarinta tayada sare leh ee ka socota guud ahaan Qaaradda Afrika.
Kulankaan oo ay soo qaban-qaabisay machadka loogu magacdaray โ China-Kenya Instituteโ ayaa waxaa ka qeybgalay aqoonyahanno ka socda qaar ka mida dalalka Afrika, gaar ahaan dalka Kenya iyo dalka Shiinaha iyo madax ka socotay Wasaaradda arimaha dibadda ee dalka Kenya.
Related posts
Dajire Jabriil Ibraahim Cabdulle ayaa furitaanka shirkaas ka sheegay inkasta oo ay dalka Shiinaha ku sameeynin dalka Soomaaliyad maalgashi baaxad leh sida wadamada kale e Afrika, hadana Safiirka ayaa sheegay in ay jiraan qorshooyin dalka Shiinaha uu ku doonayo in uu maalgasho iyo tagaeero dhaqaale ku siiyo dalka Soomaaliya.
Soomaaliya iyo Shiinaha waxaa ka dhaxeeya xiriir ku qotoma taariikh dheer, iskaashigaas oo soo bilowday wax yar ka dib markii Soomaaliya qaadatay xornimada. Soomaaliya ayaa waxay ahayd waddankii ugu horreeyay ee Bariga Afrika ah ee xiriir diblomaasiyadeed la yeesha dalka Shiinaha. Xiriirkan aasaaska ah wuxuu qaabeeyey xiriir gaar ah oo ay yeeshaan labada dal, kaas oo ilaa maanta jira.
Danjire Jabril ayaa sidoo kale ka hadlay guud ahaan saameynta uu dalka Shiinaha ku leeyahay dalalka Afrika iyo saameynta uu yeelan doonto mashruuca waddada isku isku xiraysa caalamka iyo Shiinaha ee loo yaqaan โChina’s Belt and Road Initiative (BRI)โ.
