Danjire Cawaale Cali Kullane safiirka Soomaaliya ee Shiinaha ayaa sanadkan ka mid noqday labada safiir ee lagu casuumo in ay machadka Shiinaha-Afrika ka jeediyaan cashir muhiim ah, kaasoo noqonaya cashirkii sanadka 11-aad ee machadka safiiro ka bixiyaan.
Safiir Cawaale Cali Kullane oo casharka mahcadkan ay ku qabanayeen magaalada Yan’an ee dalka Shiinaha ka jeediyay ayaa uga hadlay horumarka Soomaaliya iyo guulaha dhaqaale, midda amni, midda siyaasadeed iyo muhiimadda dhul-istaraajiyadeedka Soomaaliya leedahay, isagoo Danjiraha wax ka taabtay xariirka Soomaaliya iyo Shiinaha ee ahaa mid soo jireen ah.
Amb. Cawaale ayaa sidoo kale uga warbixiyey dadkii ka soo qeybgalay casharka sida ay soomasliya ula dagaalayso saboolnimada iyo dib-u-habeynta dhaqaalaha ee ay ku talaabsatay dowladda Federaalka Soomaaliya, isagoo sheegay in dhaqaalaha Soomaaliya uu kobcayay heer la mahadiyo saddexdii sano ee la soo dhaafay iyo in Soomaaliya ay sii waddo dib -u -dhiska hay’adaha maamulka dhaqaalaha.
Danjire Cawaale Cali Kullane safiirka Soomaaliya ee dalka Shiinaha ayaa sidoo kale booqday goobaha ugu muhiimsan magaalada Yan’an oo ah magaalo taariikhi u ah dalka iyo dadka shiinaha oo ahayd magaaladii uu ka bilowday kacdoonkii dalka Shiinaha, si wax looga barto waayo-aragnimada dowladda Shiinaha u leedahay horumarinta iyo isku tashiga bulshadeed.
Safiir Cawaale ayaa noqonaya safiirkii ugu horeeyay oo Soomaali ah oo machadkaas ka bixiya cashir xaaladda dalkeena Soomaaliya ah.
