Safiirka Jamhuuriyadda Federaalka Soomaaliya u fadhiya dalalka Switzerland, Austria, iyo Qaramada Midoobay ee fadhigoodu yahay Geneva iyo Vienna, Amb. Khadra Axmed Ducaale, ayaa kulan muhiim ah la qaadatay jaaliyadda Soomaaliyeed ee ku dhaqan gobolka Zurich ee dalka Switzerland.
Kulankan oo uu hormuud u ahaa Guddoomiyaha Jaaliyadda, Mudane Siciid Cali Xidig, ayaa diiradda lagu saaray xoojinta wadashaqeynta ka dhaxeysa safaaradda iyo jaaliyadda, iyo sidii loo horumarin lahaa danaha muwaadiniinta Soomaaliyeed ee ku nool gobolkaasi.
Amb. Khadra Axmed Ducaale ayaa uga mahadcelisay jaaliyadda sida ay ugu heelan yihiin horumarka dalka iyo taageerada ay u hayaan safaaradda. Sidoo kale, waxay muujisay diyaar garowga safaaradda ee ku aaddan kor u qaadidda adeegyada iyo xiriirka dhow ee lala yeesho jaaliyadaha Soomaaliyeed ee ku sugan dibadda.
Dhankooda, xubnaha jaaliyadda ayaa soo dhoweeyay kulanka, iyagoo sheegay inay diyaar u yihiin inay la shaqeeyaan safaaradda si loo gaaro ujeeddooyinka wadajirka ah ee ay leeyihiin
