Safiirka Soomaaliya ee Dalka Ingiriiska Cabdiqaadir Xaaji Axmed kheyre ayaa kormeerey xabsiyada dalkaas oo ay ku jiraan maxaabiis Soomaaliyeed oo u badan dhalinyaro.
Kormeerkaasi waxaa safiirka ku weheliyay qunsulka safaaradda mudane Dhayid iyo Guddoomiyaha ururka hooyada iyo carruurta Naciimo Xareed oo ah gabadhii soo abaabushay booqashada lagu tagay xabsida ay ku jiraan dhallinyarada Soomaaliyeed.
Mas’uuliyiinta oo la hadlay dhallinyarada ayaa u kuurgalay xaaladda nololeed ee maxaabiista Soomaalida, waxayna xasuusiyeen dhallinyarada in ay isha ku heyn doonaan xaalad kasta oo la soo gudboonaata dhallinyarada.
