Safiirka dowladda Soomaaliya u jooga dalka Mareykanka Axmed Ciise Cawad ayaa gaaray magaalada Columbus Ohio ee dalka Mareykanka, si uu kulamo ula qaato Jaaliyadda Soomaaliyeed ee halkaasi ku nool.
Safiirka iyo wafdiga la socda ayaaย la filayaa in boqolaal Soomaali ah uu kula hadlo kulan balaaran oo habeen danbe ka dhici doona Hoolka kulamada ee ย Soomaalidu u taqaan libaaxyada.
Related posts
Danjiraha ayaa waalidinta kala hadli doono xaalada dhalinyarada Sooamaliyeed ee ku jira jirta xabsiyada dalka Mareykankaย kuwaas oo waalidiintii dhalay qaarkood diyaar u yihiin sidii dib loogu celin lahaa dalkooda iyo kuwo siyaabo kala duwan danbiyo loogu haysto, waxayna ka mid ahaan doonta waxyaabaha uu kala hadli doono Soomaalida.
Wada shaqeynta iyo iskaashiga Jaaliyada waa hal beega midnimada Bulshada waxaana laf ahaantiisu uu ku boorin doonaa wada shaqeyn buuxda iyo is kaashi si loo gaaro hanaan isku duubni ku salaysan.
Arrinta xiisa goonida leh waxa ay tahay inbadna oo ka mid ah bulshada waxa ay safiirka la wadaagi doonaan sababta ay safaarada Soomaalidu kuu leedahay DC u aqbashay in dhalinyarada Tahribnka ku soo gashay dalkan dib loogu celiyo dalkooda iyada oo la wada ogsoonyahay marxalada ay soo mareen iyo dhibaatooyinka ku qasbay in dalkan ay iska soo dhibaan.
Boqolaal Soomaali dhalinyaro u badan ayaa xabsiyada xaduudaha Mareykanka ku jira kuwaas oo iska soo dhiibay dalkan walina aysan jirin wax sharci ah oo loo ogolaaday iyaga oo maraya marxalado la xariira sharciga maxaabiista ee dalkan gaar ahaan kuwa xaduudaha iska soo dhiiba.
Safiirka waxa uu sidookale kulamo la qaadan doonaa maamulkaย gobolkan Ohio iyo Madax ka socota Columbus.
Waa markii ugu horeeysay ee uu safiirkuu yimaado Columbus Ohio oo ah gobolka labaad ee ugu Soomaalida Badan Mareykanka.
Deeqo Shire (Deeqo-SONNA)
