Isu soo bax roob-doonka ah ayaa soo qaban qaabisay wasaaradda Awqaafta iyo arimaha Diinta ee xukuumadda Soomaaliya ayaa lagu wadaa inay ka dhacdo qaar ka mid ah gobollada dalka, iyadoo tan ugu balaaran ay ka dhici doonto magaalada Muqdisho.
Barxadda masjidka weyn ee Isbaheysiga Islaamka ayaa lagu oogayo salaad roob-doonta ah oo ay ka qeyb galayaan madaxda dowladda federaalka ee Soomaaliya,culimaa’udiin iyo qeybaha bulshada ee ku nool magaalada Muqdish.
Agaasimaha Waaxda Diinta ee wasaaradda Awqaafta iyo arimaha Diinta ee Xukuumadda Soomaaliya Sheekh Cali Maxamuud Sheekh (Cali Dheere) ayaa Radio Muqdisho u sheegay in afartii maalin ee la soo dhaafay lagu howlanaa sidii loo oogi lahaa salaadda roob-doonta ee loo yaqaano SALAATUL ISTISQAA.
Sidoo kale saaladaha roob-doonta ah ayaa maanta lagu lagu dukan doonaa magaalooyin Baydhabo iyo meelo kale, si dhibaatada heysata dadka Soomaaliyeed ilaahay ugu dulqaado oo ay kamid tahay abaaraha si aad ah u saameeyey dadka Soomaaliyeed ee ku dhaqan gobolada waqooyi ee dalka.
